මාගේ දේශය අවදි කළ විරුවනි!

 

 

තිස් වසරක ත්‍රස්තවාදයේ ශාපයෙන් අපගේ මාතෘ භූමිය මූදා ගනිමින් දෙවැනි ජාතික නිදහස් අරගලය විජයග්‍රහණය කිරීමට දායක වූ අභිමානවත් ලංකා පූත්‍රයන්ට අපගේ උත්තමාචාරය පූද කරමින් ම අද අපි මෙම තීරුව ආරම්භ කරන්නෙමූ. ඒ ඓතිහාසික විජයග්‍රහණය දෑසින් දකින්නට පෙර සිය ප්‍රාණ වායූව මේ මිහි තලයටම මූසූ කළ ඒ විරු දරුවන් ද අපි මෙවේලෙහි සිහිපත් කරන්නෙමූ. ඒ ජාතික නිදහස වෙනූවෙන් අඛණ්ඩව, අභීතව එයට දිරි දෙමින් ද, ඒ උත්තරීතර කැපවීම අගයමින් ද ඉනද්‍රඛීලයක් සේ දිවයින ද සිටි බව මේ ඓතිහාසික නිමේෂයෙහි සඳහන් කිරීමට අපට ද අයිතියක් තිබෙන බව නිහතමානීව ලියා තබමූ.

 

ලෝකයම සිය ත්‍රස්තවාදී ප්‍රචණ්ඩත්වයෙන් කම්පනයට පත් කළ ෆැසිස්ටිවාදී ම්ලේච්ඡ ඝාතක සංවිධානයක නායක වූ වේළුපිල්ලේ ප්‍රභාකරන් ප්‍රමූඛ ඔහූගේ දෙටූ සගයන් සියල්ලම දැන් මරුමූවට පත්ව සිටිති. මරණය යනූ කිසිවකුට සතුටූ විය හැකි, උදම් විය හැකි අවස්ථාවක් නො වන බව ඇත්ත ය. එහෙත් මේ ශාපකාරී මිනිසාත්, ඔහූගේ ඝාතක ෆැසිස්ටිවාදී නඩයක් මියයෑමේ පූවත එකී ත්‍රස්තවාදයෙන් බැට කෑ රටට මෙන්ම ජනතාවට ද සූබ ආරංචියක් වනූ නො වැළැක්විය හැකි ය.

 

පිස්සූ බල්ලකු මියගියත් “අනේ අනිච්චං” යැයි කීමට පූරුදුව සිටින අහිංසක මනසක් සහිත ජනතාවක් වූවද ඔවූන්ට මේ මරණය කිසිඳු කම්පාවට හේතු නොවේ. මක්නිසාද යත්, ප්‍රභාකරන්ගේ කුරිරු ත්‍රස්තවාදයෙන් මූළු රටම ඒ තරමටම හෙම්බත් වී තිබිණි. මූළු මහත් ජනතාවම ඒ තරමට ම පීඩනයට ද, භීතියට ද පත්ව සිටියහ. ප්‍රභාකරන් ඇතුළු ඔහූගේ ෆැසිස්ටිවාදී මෘගයන් විසින් මේ රට ඇද දමන ලද්දේ බිහිසූණූ අඳුරකට ය.

 

ප්‍රභාකරන්ගේ දුෂ්ට ඊළාම් අරමූණ වෙනූවෙන් පෙරදිග මූතු ඇටය ලෙයින් නැහැවූ සාහසිකයන් රැළක් එබඳු මරණයකට ලක්වීම කිසිවකුගේ කම්පනයකට හේතුවක් විය හැකි ද? සිංහල, දෙමළ, මූස්ලිම් සහෝදරත්වය ගිනි තබමින්, ඇවිල ගිය ත්‍රස්තවාදයේ ලැව්ගින්නේ ඓතිහාසික වගඋත්තරකරුවන්ට හිමිවන මරණය නො මැනවැයි කිව හැක්කේ කාට ද?

 

ප්‍රභාකරන් වෙනූවෙන් ඇප කැප වූ ත්‍රස්තවාදයෙන්ම යස ඉසූරු සාදාගත් ජාති භ්‍රෂ්ටයන්ට ද බටහිර අධිරාජ්‍යවාදී රූකඩ විසින් නඩත්තු කරන ලද සිංහල බෞද්ධ වෙසින් සිටි ඇතැම් සටිටඹියන්ට ද මාගේ දේශය “අහෝ අපගේ බත් ටැඹ වැනසිණ” යි දුකක් සෝකයක්, සංකාවක් ඇති වී ඇත්නම් අපි පූදුම නො වෙමූ. ඒ හැර මේ මව්බිමට ආදරය කළ කිසිවකුට අබැටක තරම් සංවේගයක් නැති බව ද අපි දනිමූ.

 

වේළුපිල්ලේ ප්‍රභාකරන් යනූ ඝාතන සංස්කෘතියක දුෂ්ට මැවූමකි. සයනයිඩ් සංස්කෘතියක විකෘති නිමැවූමකි. ප්‍රභාකරන් විසින් මේ රටෙි මිනිස් පවූල් කඩා බිඳ වෙන් කරමින් රටම මළගෙයක් බවට පත් කරන ලද බව අමූතුවෙන් කිව යූතු නැත. ප්‍රභාකරන්ගේ ඝාතනයට, පීඩනයට ලක් නොවූ ගමක්, නගරයක්, පවූලක් මේ රටෙි නො වී ය.

 

අද අවසන් වී තිබෙන්නේ ඒ ශාපයයි. මගතොටෙි, වැඩබිමේ, කෝවිලේ, පන්සලේ, දෙව් මැඳුරේ සැඟව සිටි ජනඝාතක සමාගම දැන් නිහඬව තිබේ. අක්‍රිය වී තිබේ. ඉතින් එය අපට, රටට සතුටක් නො වන්නේ ද? උතුරේ අහිංසක දෙමළ දරුවන්ගේ ගෙලට සයනයිඩ් කරල් එල්ලූ සිත් පිත් නැති මෘගයා මළවූන් අතරේ ය. එය අස්වැසිල්ලක් නො වේද?

 

ප්‍රභාකරන්ගේ හා ඔහූගේ දෙටූ නායකයන්ගේ පවූල්වලට හිමි වූ වරප්‍රසාද ජීවිත හා සූඛ විහරණවල අඩූවක් නොවූ බව ද දැන් ප්‍රසිද්ධ රහසකි. ජනතාවට විමූක්තිය ලබා දීමට ඒ ජනතාවගේ ඇස්, ඉස්, මස්, ලේ ගබඩා කළ තුච්ඡ නායකයකුගේ හා ඔහූගේ මෘග සගයන්ගේ අවසානය රටකට ශාන්තියක් නො වන්නේ ද?

 

ලෝක ඉතිහාසය කියවන කවරෙකු වූවද, අදත් හිටිලර් හා මූසොලිනීගේ නම්වලට කෙළ ගසති. ප්‍රභාකරන්ට හා ඔහූගේ ඝාතකයන්ට ඉතිහාසය තුළ ඊට වඩා වෙනස් ස්ථානයක් හිමි නොවන බව ද අපි දනිමූ. මේ මව්බිම හරහා ගලා ගිය රුධිර ගංගාවන් ද මේ මව්බිමේ ගොඩගසන ලද මිනී කඳුවලින් ද ප්‍රභාකරන්ගේ ත්‍රස්තවාදයේ තරම අපි දැන මැන ගත්තෙමූ. එහෙත් ප්‍රභාකරන්ට ඒ කිසිවකින් සැලෙන මනසක් නොවීම ඔහූට මේ ඉරණම අත්වීමට හේතු වූ බව ද අපි දනිමූ. එබඳු අපරාධකාරයකුගේ අවසානය රටකට අස්වැසිල්ලක් බව අපගේ ද විශ්වාසයයි.

 

ඝාතනය විසින්ම ඝාතකයකු ඝාතනය කරනූ ලැබ තිබේ. ඝාතකයාගේ ඝාතන සමාගම ද ඝාතනය කරනූ ලැබ තිබේ. ඒ වෙනූවෙන් කිරිබත් කන්නන්ට අපට දොස් කිව නො හැකි ය. ඒ වෙනූවෙන් රබන් ගසන්නන්ට ප්‍රීති උත්සව පවත්වන්නන්ට ද අපට දොස් කිව නො හැකි ය. අපි අවසන් වශයෙන් එක් දෙයක් කියමූ.

 

ප්‍රේමය, දයාව, මනූෂ්‍යත්වය නො තකා ක්‍රියා කරන කවරකුට වූවද ස්වභාව ධර්මයේ රැකවරණය හෝ ආශිර්වාදය හෝ නො ලැබෙන බව ය. මේ සියල්ල පිළිබඳ දාර්ශනික සත්‍යය එයයි.

 

කෙසේ හෝ ගම් දනව් වනසමින් වපූරන ලද ප්‍රචණ්ඩත්වයේ මැවූම්කරු නිහඬ කිරීමේ ඓතිහාසික වගකීම උර දරා ගත් මහින්ද රාජපකෂ ජනාධිපතිවරයාට ද අපි අපගේ කෘතවේදීත්වය පළ කරමූ. මේ ඓතිහාසික ජාතික මෙහෙවරට කැප වූ ගෝඨාභය රාජපකෂ නම් ආශ්චර්යවත් නායකයාට ද, අපගේ අභීත ත්‍රිවිධ හමූදාපතිවරුන්ට හා පොලිසියට ද අපගේ ප්‍රශංසාව පළකරමූ.

 

තිස් වසරක අඳුරු සෙවණැලි පහව ගොස් තිබේ. අප ගොදුරු කර ගන්නට සැලසූම් කළ බටහිර නඩය ද නිරුත්තරව සිටිති. යකෂයාගේ හෝරාව නිම වෙතැයි සිහිනෙනූදු නො සිතූ සියල්ලන්ම හඬද්දී අපට සිනා සීමට හැකි වී තිබේ. ඒ සිනහව රටට, දැයට ලබා දුන් හැමට ජාතියේ කෘතවේදීත්වය ද උත්තමාචාරය ද හිමි වනූ නිසැක ය.

 

 

හෙට ඉරක් පායයි. ඒ හිරු එළියෙන් පිබිදී අපි එකම දැයක්, එකම රටක් ලෙස යළි නැගී සිටිමූ. ඒ නිදහසේ උදානය අපට ජීවය ද, ශක්තිය ද, ලබා දෙනූ ඇත. මාගේ දේශය අවදි කළ විරුවනි, අපි ඔබට සදා ණයගැති වන්නෙමූ.

 

 

උපුටා ගැනීම දිවයින කතුවැකිය 2009 May 19

ඔන්න ඉතින් කාලෙකට පස්සේ ලියන්න දෙයකුත් නෑ නැත්තෙමත් නෑ………. ඒ නිසා මොනවා හරි ලියනවා කියලා හිතන් ආවා මේ පැත්තේ…………!! 

ගයාන් මල්ලිත් අහනවා, බ්ලොග් එක අමතක වෙලාද…..?? කියලා…….. එහෙමත් අමතක වෙනවද…….!! එලකිරි අඩවිය වගේම, බ්ලොග් එකත් නැතුව නිකන් කෑවත් නොකෑවා වගේ……….!! 

මුකුත් ලිවුවේ නැති උනාට, හැමදාම ඇවිත් බ්ලොග් බලලා යනවා……. කමෙන්ට් දාන්න නම්  යන්නේ නෑ……. මොකද අන්තිමට මගේ නමෙනුත් අර බ්ලොග් අවකාශෙට රිංගන් ඉන්න “මල පෙරේතයෝ” ටික කමෙන්ට් දාන්න ගත්තොත්….. මගේ නමටයි සවුත්තුව….. මොනවා උනත් ඒ වගේ වැඩ නම් අන්තිම කැතයි…………..!! 

මට අමතක උනානේ කියන්න…. දැන් මමත් ජොබ් එකකට යනවනේ….. පෙබරවාරි 5 වෙනිදා ඉදන්……!! Technical Support Officer of Resoflex IT Solutions (Pvt.) Ltd Borella. ප්ලේස් එක නම් එලකිරි……… දැනට නම් එච්චරටම වැඩ නෑ….. නමුත් නැත්තෙත් නෑ……!! වැඩක් නැති වෙලාවට ඉතින් බ්ලොග් කියවනවා…… එලකිරි අඩවියට රිංගලා ඉන්නවා….. (මේ දවස් වල නම් එලකිරි අඩවිය හැම වෙලේම ඩවුන් තමා…..!!) 

ගයාන් මල්ලියා වගේම මමත් වෙනදට නම් නයිට් ඩියුටි කලාට දැන් නම් මහන්සියට නින්ද යනවා…….ඒ නිසා දැන් Office එකේදි තමයි ජංජාලෙට සම්බන්ද වෙන්න වෙලා තියෙන්නේ………!! 

අදට ඇති නේද…………..!!

 

මගේ බ්ලොග් සටහනෙන්මගේ තාත්තාව ආසිරි ශල්‍ය රෝහලේදි මරාගත්ත හැටි ලියලා,බ්ලොග් ලියන්නන් ඇතුලුඅපේ සමාජය දැනුවත් කිරීමක් නොකලොත්මගේ තාත්තා මට සමාවක් දෙන එකක් නෑ….!!!

මම මේ සම්බන්ධයෙන් එලකිරි අඩවියෙත් දැනුවත් කිරීමක් කරගෙන යනවා…. කැමති අයට එලකිරි අඩවියට ගිහිල්ලත් මේ සම්බන්ධයෙන් බලන්න පුලුවන්….

මෙන්න ඒ සදහා ලින්ක් එක…. :- Please read this & avoid from these hospital

මේක මං දාන්නේ…..මේ වගේ දේවල් ගැන දැනුවත් කරන්න…..!!  

මේ ගැන හැමෝම දැනුවත් වෙන්න ඔනා නිසා, මම වෙනම පිටුවක්ම, මේ සදහා වෙන් කලා……… කරුණාකර මගේ බ්ලොග් අඩවියේ තිබෙන, මගේ තාත්තව මරපු හැටි….!!! පිටුව මත ක්ලික් කරන්න……!! 

පොඩි හරි කමෙන්ට් එකක් දාලා යන්න……… ඔයාලගෙත් මේ වගේ අත්දැකීම් තියෙනවා නම් කියන්න…………!!

මමත් ඉතින් හා හා පුරා කියලා, මේ සිංහල බ්ලොග් එකත් ලියලා, මගේ ගෑනු ලමයි සෙට් එකටම, මගේ බ්ලොග් එක බලන්න කියලා, E-mail කලා කියමුකෝ….!!!

අනේ මෙන්න හැමෝම කතා කර කර කියනවා…. කොටු කොටු, එහෙමත් නැත්නම්, ?? ලකුණු ලු පේන්නේ….!!! 

පස්සේ තමයි මටත් මතක් උනේ…. සිංහල යුනිකේත install කරලා නැත්නම්, අපි මෙහෙම සිංහලෙන් කොච්චර ලියුවත්, කාටවත් පේන්නේ නෑ නේද කියලා හිතුනහම….!!! 

සිංහල යුනිකෝඩ් නැති පරිගණකයක් පාවිච්චි කරන කෙනෙකුට, අපේ මේ බ්ලොග් සටහන් පේන්නේ, කොටු කොටු විදිහට හරි, ප්‍රශ්නාර්ථ ලකුනු විදිහට හරි, තමයි නේ…. ඉතින් ඒක ලොකු ප්‍රශ්නයක් නේද….??? 
Read More…

Posted by: urajdrlkelakiri | January 26, 2009

බස් කෙරුවාව….!!!

බස් කාරයෙක් ආවා කියලා…. කට්ටිය කෑ ගහන්නේ…. මීට පස්සේ මාවද bite එකට ගන්න හිතාගෙන ඉන්නේ….??? 

අනේ ඉතින් අහිංසක මං මොනවා කරන්නද බස් ගාස්තු වැඩි කරනවාට….!!! 

හැබැයි මේ ඊයේ පෙරේදා කරපු ගාස්තු විෂමතා ඉවත් කිරීම දැක්කහම නම්, මට අපේ මාර්ගස්ථ මගී ප්‍රවාහන අධිකාරියේ ඉන්නේ කොච්චර මෝඩ මී හරක් රැලක්ද කියලා තේරුම් ගියා….!!!

 

380 කඩුවෙල සිට කිරිබත්ගොඩට යන බස් එකේ සියඹලාපේ සිට කිරිබත්ගොඩට රුපියල් 17 ක් අය කරනවා…. 

356 කරාබුගස් හන්දියේ සිට සිට කිරිබත්ගොඩට යන බස් එකේ සියඹලාපේ සිට කිරිබත්ගොඩට රුපියල් 14 ක් අය කරනවා….

 

එකම දුරකට ගාස්තු වර්ග දෙකක්….!!!  

මේකෙන් උනේ 380 බස් වලට, සියඹලාපේ සිට කිරිබත්ගොඩට සෙනග නගින්නේ නැති උනා…. 356 බස් වලට සියඹලාපේ සිට කිරිබත්ගොඩට සෙනග තව තවත් නැග්ගා….!!

දැන් කාලේ හැටියට කවුද කැමති රුපියල් 3 ක් වැඩිපුර දීලා බස් එකේ යන්න….??? 

මේ වගේ මෝඩ ක්‍රියා සිදු වෙන එක ඒතරම් අරුමයකුත් නෙවෙයි….!!!

මොකද බස්නාහිර පලාත් මාර්ගස්ථ මගී ප්‍රවාහන අධිකාරියේ සබාපති තුමා, ඉස්සර කලුතර හිටපු time keeper කෙනෙක් කියලයි මට නම් ආරංචිය….!!! 

ඉතින් මේ වගේ ගොඩාක් උගත් පුද්ගලයෝ, මේ වගේ තැනක සබාපති කෙනෙක් උනහම, මේ වගේ මෝඩ ක්‍රියා සිදු වෙන එක වලක්වන්නේ කොහොමද….???  

මෙහෙමත් එකක් තියෙනවා…. මේක මගේ අත්දැකීමක්…. බස්නාහිර පලාත් මාර්ගස්ථ මගී ප්‍රවාහන අධිකාරියේදිම (නමුත් මම කියන්නේ නැහැ කොහෙදිද කියලා නම්….)

බස්නාහිර පලාත් මාර්ගස්ථ මගී ප්‍රවාහන අධිකාරියේන් වැඩක් කරගන්න අපි ගියහම (මොකද අයිතිකරු පැමිනීම දැන් අනිවාර්ය කරලනේ….) බස්නාහිර පලාත් මාර්ගස්ථ මගී ප්‍රවාහන අධිකාරියේ ඉන්න සමහර නෝනලා, මහත්තයලා, හිතන් ඉන්නේ, අයිතිකාරයොත්, එයාලා වගේම මෝඩ මී හරක් කියලයි….!!! 😛 

ඉතින් හතරට පහට නැවෙන්න ඔනා වැඩක් කරගන්න ගියහම….!!! 😦 

ඉතින් දවසක් ඔන්න මමත් ගියා කියමුකෝ ඔය මාර්ගස්ථ මගී ප්‍රවාහන අධිකාරියට…. ඉතින් ඔන්න බලන් ඉන්නවා, ඉන්නවා, වැඩේ කෙරෙන පාටක් නෑ…..

බලන් ඉදලා බැරිම තැන ගියා, ප්‍රාදේශිය කළමනාකරු ලගට…. ගිහින් දුන්න කඩ්ඩෙන් talk එක (මට තේරුනා ඌට මේ ලෝකේ දෙයක් නොතේරුනු බව මං කිව්ව….) අනේ ඒ වෙලාවෙම ප්‍රාදේශිය කළමනාකරු, පියන් කෙනෙක්ට කතා කරලා මේ මහත්තයගේ වැඩේ කරලා දෙන්න කිව්වා….!!!

තව පොඩ්ඩෙන් මගේ දවසම ඒ වැඩේට හිර වෙන එක, කඩ්ඩ දාලා talk කල නිසා විනාඩි 10ක් යන්න කලින් කෙරුනා….!!!

ඔන්න ඔහොමයි අපිට gas පෙන්වන මගී ප්‍රවාහන අධිකාරියේ කට්ටියගේ වැඩ….!!! 

මේ කට්ටියගේ වැඩ නිසා මට බස් එකේ මෙහෙම දැන්වීමකුත් දාන්න උනා….

බුද්ධිමත් මගී ජනතාව වෙත කෙරෙන කාරුණික දෑන්වීමයි.

 2009 ජනවාරි 06 වන දින සිට ක්‍රියාත්මක බස් ගාස්තු සංශෝධනයට අනුව, මාර්ග අංක 380 බස් මාර්ගයේද, බස් ගාස්තු විෂමතා ඉවත් කර ඈති බෑවින්, 380 බස් මාර්ගයේද බස් ගාස්තු වල වෙනස් වීමක් සිදු කොට ඈත.

එබෑවින්, මේ පිලිබදව රියදුරු මහතා සහ කොන්දොස්තර මහතා සමග ගෑටුම් ඈතිකර නොගන්නා මෙන්, අප ඔබගෙන් කාරුණිකව ඉල්ලා සිටිමු.

ඔබ සෑමට ස්තූතියි.

 මේ පිලිබදව වෑඩි විස්තර සදහා පහත අංක අමතන්න.

ජාතික ගමනාගමන කොමිෂන් සභාව. – දුරකතන:- 0112-595555

බස්නාහිර පලාත් මාර්ගස්ථ මගී ප්‍රවාහන අධිකාරිය. – දුරකතන:- 0115-559595

ලංකා ගමනාගමන මණ්ඩලය. – දුරකතන:- 0112-368565

බස් කෙරුවාව එපා වෙන්නේ මෙන්න මේ වෙලාවට තමයි….!!!

ඔන්න අදට නවතින්නම් කිව්වට, මං මගේ මුල්ම සටහනට, ඔයාලගේ ප්‍රතිචාර දැක්කහම (විදුලිය විසන්ධි කලෙත් නැති නිසා), ආයෙත් ආවා….

කාලිංග අයියා කියනවා වගේ, මමත් දැන් Internetholic කෙනෙක් වෙලයි ඉන්නේ….. ඒ වගේම මේ blog ලියන වැඩේටත් ඇබ්බැහි වෙයිද දන්නේ නෑ….!!!

මුලින් කියන්න ඕනා, මමත් එලකිරි අඩවියේ හොද සාමාජිකයෙක් (urajdrlk කිව්වහම හැමෝම දන්නවා) 2006 දි එලකිරි අඩවියට සම්බන්ධ උනත්, දැන් තමයි බැහැලා වැඩ කරන්නේ….!!! 

කෝ දැන් මම කියන්න හිතාගෙන ආව දෙයත් අමතක උනා කතාවෙන් කතාවෙන්….!! 

මගේ තාත්තව වැඩ බැරි දොස්තරයෙක් (ඇත්තටම කියනවා නම් ඌ කොන්දොස්තර කෙනෙක්) මරා ගත්තට පස්සේ, මං තමයි අපේ බස් ගැන බලා කියා ගන්නේ….!! ඉස්සරත් එහෙම තමයි…. (ඔන්න මං shape එකේම අපිට බස් තියෙනවා කියලත් කියා ගත්තා….hik hikz….)  

මගේ තාත්තව මරපු දොස්තරයා ගැනත්, ලගදිම මෙතන කියන්නම්.

එතකම් ඉන්න බෑ වගේ නම්, එලකිරි අඩවියට යන්න, මේ ලින්ක් එක මාර්ගයෙන් :- Pls read this & avoid from these hospital

http://www.elakiri.com/forum/showthread.php?t=126373

ඔන්න ආයෙත් මම මාතෘකාවෙන් පිට පැන්නා වගේ…….ඔන්න දැන් හරි නිවැරදි පීල්ලට enter කරගත්තා….!!! 

දැන් දවස් කිහිපයක ඉදලම අපේ එක බස් එකක් උදේට start වෙන්නෙම නෑ…. ඉතින් ලේලන්ඩ් තල්ලු කරලා start කරන්න පුලුවන් ජාතියක් නෙවෙයි නේ….???  

අන්තිමට ඊයේ උදේ start වෙන්නේ නැතුව බස් එක දුවන්න උනෙත් නෑ….!!

ඉතින් අන්තිමට battery එකක් දාන්නම උනා….!!! එකක් දාන්න උනා නම් ඉවසන්න තිබුනා battery දෙකම දාන්න උනේ නැතැයි…..!!!

මටමයි වෙන්නේ….!!!

ආයෙත් මම මාතෘකාවෙන් පිට….hik hikz…..!!! 

අම්මෝ battery වල ගනන්…..!!!

පසුගිය අවුරුද්දේ battery දෙකක් ගත්තේ 26,000 කට….. ඒකට දැන් 34,000 පුදුම මිල ඉහල යාමක් තමයි….!!! 

Battery කඩේ අදුරන නිසා 10,000 ගෙවලා ඉතිරිය පස්සේ දෙන පොරොන්දුව පිට battery දෙකම අරගෙන ආවා….

බස් ගාස්තු අඩු කරන්න කියලා කෑ ගහන කට්ටියට මට නම් කියන්න තියෙන්නේ, බස් ගාස්තු අඩු කරන්න පුලුවන්, මේ වගේ අමතර කොටස් මිලත් අඩු කරනවා නම්…..!!!

Diesel වැඩි වෙනකොට නැවත පුරවන ලද tyre මිල වැඩි උනා……. එහෙම උනත් diesel අඩු උනහම බස් ගාස්තු අඩු කලා……. ඒ උනාට tyre මිල වෙනසක් උනේ නෑ….!!!

මේ ව්‍යාපාරය මේ විදිහට නම් ඉදිරියට කරගෙන යන්න බොහොම අමාරුයි….!!! 

අපිටත් දැන් එපා වෙලා ඉන්නේ…. ආතල් එකට වගේ කරනවා….!!!

ඔන්න ඉතින් මමත් හා හා පුරා බ්ලොග් ලියන්න පටන් ගත්තයි කියමුකො…..!!!! 

ඔන්න මම නම් මේ වැඩේට අළුත් ඒ නිසා මගෙන් වැරැද්දක් උනොත් පෙන්වලා දෙනවට මගේ කිසිම අහිතක් නෑ….!!! 

ඔන්න එහෙනම් කොල්ලා වැඩේට බැස්සා…. කාටවත් කරදරයක් නෑ නේද මගෙන්….???

එහෙනම් ඉස්සෙල්ලම මගේ ගැන විස්තර ටිකක් කියලා ඉන්නම්කෝ….එහෙම හොදයි නේද….?? 

මගේ නම යුරාජ් දීමන්ත…. ටිකක් අමුතු නමක් වගේ දැනෙනවානම් ඉතින් සොරිම තමයි….!!! හැබැයි මට තේරුම් ගන්න බෑ ඇයි එතකොට කාටවත් ඉරාජ් කියන නමත් නිකං uncommon වගේ නොදැනෙන්නේ කියලා….???  

ගම බියගම (බියගම කිව්වට, ඔන්න මං නම් යකෙක්ටවත් බය නෑ හරිද…??) 

ඔන්න මේ පැත්තේ ආවොත් මාවත් මුනගැහිලා යන්න අමතක කරන්න එපා….!!

දැනට නම් වැඩ කරන්නේ Job Less Company එකේ තමයි….

OL (1998) කරපු කාලේ ඉදලා හැදුන පිස්සුව නම් තවම හොද වෙලා නෑ….!!  

Computer Field එක ගැන ගොඩක් දේවල් ඉගෙන ගන්න ආසාවෙන් හිටියත් හැම දෙයක්ම බාගෙට කරන එක මගේ ලොකුම හැකියාවක් තමයි ඉතින්….!!! (අනික මට සෙට් වෙන්නෙත් මොකක් හරි case එකක් තියෙන IT උගන්වන තැන් තමයි…. ඒ ගැන විස්තර තව ඉස්සරහට කියන්නම්කෝ….) 

මේ blog එකවත් දිගටම කරගෙන යන්න ලැබේවා කියලා ප්‍රාර්ථනා කරනවා….!!! 

මම මේ සිංහල blog ලිවිල්ලට පාත් උනේ අපේ මලින්තගේ, සුදාරකගේ…. (අම්මෝ නම් වශයෙන් කියන්න ගියොත් ඉවරයක් කරන්න බැරි වෙයි….) වැඩ දැකලා තමයි….!!  

අනික මාව මේ සිංහලෙන් ලිවීමට උනන්දු කල තවත් කෙනෙක් තමයි අපේ ගාල්ලේ ගයාන් කල්හාර මල්ලියා (බෙන්තර ගගෙන් එහා ඇස් ඇරපු බළල් පැටියෙක්වත් ගේන්න එපා කියලයි අම්මා නම් මට කියලා තියෙන්නේ…. ඒත් මේකා හොද කොල්ලා…. මාර helpful බුවා….) පොඩියට හිටියට හෙන වැඩ කාරයා…. ඔන්න ඉතින් ගයාන් මල්ලියටත් 1000 thank you කිවුවා ….!!! 

ආයේ ඉතින් අපේ එලකිරි අඩවියේ කට්ටියටම ස්තූති කරන්න ඕනා….මොකද මගේ ගොඩාක් Threads/Posts මම කරන්නේ සිංහල unicode වලින්…. ඉතින් ඒවා බලලා මට reply එකක් දාන හැමොටමත් ගොඩක් ස්තුතියි….!! 

අදට ඇති වගේ නේද….??? (මොකද, අද මගේ නිවස පිහිටි අඩවියේ විදුලිය විසන්ධි වෙන කතාවක් මට ඇහුනා….!!!)

ඒ නිසා අදට නවතින්නම්….!!  

හැමෝටම සුබ දවසක්….!!

« Newer Posts

Categories